Orune

A oru de unu pranu artu de granitu, subra sas campuras de sa Baronia, abbaidende cara a sos montes de Barbàgia, b’at sa bidda de Orune.

La cultura orunese è sinonimo di pastoralismo in tutte le sue espressioni.

A dolu mannu Orune at connotu in sos annos su fenòmenu de s’ispopulamentu in manera grae perdende unu muntone de gente.

Oe su comune contat agigu 2200 ànimas chi ant peroe mantesu bona parte de sas traditziones suas e intre de custas su cantu a tenore.

Sa moda orunesa at tentu in sos annos intèrpretes de importu chi diamus a nàrrere belle mìticos: Vitoriedda, tziu Luminu, Pascale Piredda, pro nde mentovare calicunu. Cantadores chi ant fatu s’istòria de su cantu a tenore in Sardigna e non petzi in Orune:

Su cantu a s’orunesa est dae semper unu de sos prus apretziados in su mundu de su cantu a tenore sardu, unu de sos prus ascurtados e imitados.

A sos cantadores e sos grupos de Orune los mutint a cantare in totu sas festas paesanas e belle che beras non b’at bidda sarda in ue sos orunesos non nche apant giutu su repertòriu issoro.

In Orune si cantat belle petzi cantos profanos chi si distinghent pro su sonu guturale orunesu de bassu e contra e dae una mesu boghe durche e melismàtica chi acumpàngiant sas boghes cun su traju sapiente de chie ischit a ghiare su tenore a boche ‘e note, a boche ‘e manzanile, a boche ‘e ballu sèriu a ballu lestru, a sa lizera e a mutos.

Censimentu

In Orune si contant 188 cantadores. Unu nùmeru de aberu de importu cunforma a su nùmeru in totu de sos abitantes.

Grupos organizados