Orosei

Orosei est una bidda de belle 7000 pessones, posta a nord de su gulfu omònimu chi s’acarat in su mare Tirrenu.

Mancari bi siat una presèntzia manna de turismu in sa vida de sa comunidade oroseina, custa at ischidu mantènnere unu ligàmene forte cun su prus de sos ritos suos, siat sagrados chi profanos, e sos piessinnos suos culturales poèticu-musicales, comente a su cantu a tenore.

Sa presèntzia de unos cantos cantadores ispantosos de su de XX sèculos, intre de custos ammentamus pro nàrrere a Vincenzo Gallus, at cunsentidu chi sos cantos de s atraditzione no esserent pèrdidu s’ammaju issoro pro sas generatziones noas, chi difatis si nde sunt fatas intèrpretes semper cun una calidade espressiva de giudu.

Oe sos cantos de Orosei sunt presentes in totus sos cuntestos, cussos sagrados (sena su sonu guturale de sas boghes) in sas cerimònias de sa paraliturgia e mescamente in Chida Santa; cussos profanos chi presentant intamas bassu e contra guturales traditzionales de atòbiu de sa comunidade e in sos palcos de sas festas paesanas in Orosei e in totu s’ìsula.

Sos cantos de Orosei sunt connotos meda e apretziados fintzas foras de Sardigna pro more de su giru internatzionale de sos grupos oroseinos in sos festival.

Censimentu

In Orosei si contant 41 cantadores. Custu nùmeru est bassu cunforma a su ruolu de importu chi custos cantadors tenent in sa comunidade.

Grupos organizados