Orgòsolo

Sa bidda de Orgòsolo s’agatat in su coro de sa Barbàgia, in provìntzia de Nùgoro. Est unu de sos centros prus rapresentativos de sa cultura de su pastoralismu chi nd’at cajonadu s’isvilupu, sa vida comunitària, sas usàntzias e sos costùmenes.

Sa bidda est connota pro sa “Luta de Pratobello” binta dae sos pastores orgolesos contra a s’aposentada de una base militare chi aeret oupadu su prus de sas pasturas menzus.

Pro s’istòria sua e su chi est acuntessidu, Orgosolo est semper istada una bidda de interessu de istudiosos e de artistas e oesos murales chi nde ondrant sas carreras sunt su logu seberadu dae unu muntone de turistas.

Orgòsolo est fintzas una bidda de importu pro su cantu a tenore siat dae unu ghetu de sa cantidade ca b’at unu muntone de cantadores, siat dae su ghetu de sa calidade ca sos cantadores orgolesos ant fatu de a beru s’istòria de su cantu a tenore in Sardigna e foras de s’ìsula,

sas registratziones istòricas de sos cantos orgolesos sunt medas a beru moende dae cussas de su CNSMP de sos annos Chimbanta e Sessanta, finas a cussas registradas dae sos grupos organizados in totu custos annos. In Orgòsolo su cantu intrat in totu sa vida comunitària, pro su prus in su mundu profanu ma fintzas in unas cantas ocasiones de cantu sagradu.

In totu sos cantos orgolesos su tenore lu faghent cun sas boghes guturales de contra e bassu e fintzas sa mesu boghe tenet sonos guturales chi nde ismànniant sos armònicos. Su repertòriu de sos cantos presentat sa boghe a sa sèria e a tumbadas, sa boghe lestra, su passu torrau, sa boghe ‘e ballu, sa vardeina, sos atitos a tataju meu, s’anninnia a tenore, sos gotzos de sos santos e de s’Assunta.

Censimentu

Orgòsolo vantat 280 cantadores ativos censidos. Est su nùmeru prus artu de su totu de cantadores chi bi sunt in una comunidade.

Grupos organizados