Neoneli

Neoneli faghet parte de sa regione istòrica de su Barigadu e su cantu a tenore suo est a seguru su prus famadu e apretziadu intre totu cussos de sas biddas a fùrriu;

custu pro more de su grandu traballu fatu dae su grupu de cantu locale “Tenores Cultura Popolare di Neoneli” chi nche at giutu sos cantos neonelesos a giru in Sardigna e in su mundu intreu, cun ispetàculos e collaboratziones cun artistas sardos, italianos, e internatzionales. 

Unu de sos cantadores prus connotos e amados dae sos amantiosos sardos de cantu a tenore est istadu su neonelesu Alberto Zucca, a dolu mannu iscumpartu dae pagu tempus.

In Neoneli sos cantos sunt pro su prus de genia profana: boghe sèria, sos ballos e sos mutos, ma non mancant sos gosos de sos santos, interpretados a bias subra testos locales acapiados a sos temas sociales e de s’ambientalismu.

Censimentu

In Neoneli ant censidu 15 cantadores. No est pro de beras unu nùmeru artu bida sa fama de sa bidda e de su cantu a tenore. Sos nùmeros inditant de pònnere a Neoneli in sas biddas de amparare.

Grupos organizados