Baunei

Postu in mesu de su Gurfu de Orosei, in sa costera Est de Sardigna, Baunei est una bidda de 3500 pessones posta a 500 metros de artària dae su mare in sa parte nord de s’Ogiastra in provìntzia de Nùgoro.

Su cantu a tenore at tentu inoghe una purrata de crisi in su sèculu coladu, cun sa presèntzia de pagos cantadores chi pro su prus acumpangiaiant sas garas de poesia.

Acabbende su ‘900 e in sos ùrtimos binti annos si regitrat peroe una istantargiada de sa traditzione, cun s’impèllida dae banda de sos prus pitzinnos.

censimentu

Sos 25 cantadores censidos, de generatziones diferentes, rapresentant bene sa situatzione de oe in die de istantargiada de sa traditzione de su cantu a prus boghes de cue.

grupos organizados